Allahın dinini təbliğ edərlər MÖVZUSU İLƏ ƏLAQƏLİ AYƏLƏR
"Allahın dinini təbliğ edərlər" MÖVZUSU İLƏ ƏLAQƏLİ AYƏLƏR
Qovulmuş şeytandan Allaha sığınıram. Rəhman və Rəhim olan Allahın adı ilə.
- O zaman qardaşları Nuh onlara belə demişdi: “(Allahdan) qorxmursunuzmu?
(Şuəra surəsi, 106)📋
- Həqiqətən, mən sizə göndərilən etibarlı bir elçiyəm.
(Şuəra surəsi, 107)📋
- Allahdan qorxun və mənə itaət edin!
(Şuəra surəsi, 108)📋
- Bunun əvəzində mən sizdən heç nə istəmirəm. Mənim mükafatımı yalnız aləmlərin Rəbbi verəcəkdir.
(Şuəra surəsi, 109)📋
- Ona görə də Allahdan qorxun və mənə itaət edin!”
(Şuəra surəsi, 110)📋
- Nuh dedi: “Ey Rəbbim! Mən qövmümü gecə-gündüz (haqq yola) dəvət etdim.
(Nuh surəsi, 5)📋
- Ancaq mənim dəvətim onların (haqq yoldan) qaçmalarını daha da artırdı.
(Nuh surəsi, 6)📋
- Hər dəfə onları bağışlayasan deyə mən onları (haqq yola) dəvət etdiyimdə, barmaqlarını qulaqlarına tıxadılar, (məni görməmək üçün) paltarlarına büründülər, dirəndilər və çox təkəbbürləndilər.
(Nuh surəsi, 7)📋
- Sonra mən onları ucadan dəvət etdim.
(Nuh surəsi, 8)📋
- Sonra mən onlarla həm açıq-aşkar, həm də gizlicə danışdım.
(Nuh surəsi, 9)📋
- O zaman qardaşları Hud onlara belə demişdi: “Siz (Allahdan) qorxmursunuzmu?
(Şuəra surəsi, 124)📋
- Həqiqətən, mən sizə göndərilən etibarlı bir elçiyəm.
(Şuəra surəsi, 125)📋
- Ona görə də Allahdan qorxun və mənə itaət edin!
(Şuəra surəsi, 126)📋
- Bunun əvəzində mən sizdən heç nə istəmirəm. Mənim mükafatımı yalnız aləmlərin Rəbbi verəcəkdir.
(Şuəra surəsi, 127)📋
- Mənim edə bildiyim yalnız Allahdan gələni (vəhyləri insanlara) çatdırmaq və elçilik vəzifəsini yerinə yetirməkdir. Kim Allaha və Onun elçisinə asi olarsa, şübhəsiz, onun üçün əbədi qalacağı cəhənnəm odu vardır”.
(Cin surəsi, 23)📋
