Allaha yaxınlaşmaq üçün cəhd edərlər MÖVZUSU İLƏ ƏLAQƏLİ AYƏLƏR
"Allaha yaxınlaşmaq üçün cəhd edərlər" MÖVZUSU İLƏ ƏLAQƏLİ AYƏLƏR
Qovulmuş şeytandan Allaha sığınıram. Rəhman və Rəhim olan Allahın adı ilə.
- Səbir etdiklərinə görə onlardan əmrimizlə haqq yolu göstərən rəhbərlər təyin etdik. Onlar ayələrimizə yəqinliklə inanırdılar.
(Səcdə surəsi, 24)📋
- Ey iman edənlər! Allahdan qorxun, ona vəsilə axtarın və Onun yolunda cihad edin ki, bəlkə nicat tapasınız.
(Maidə surəsi, 35)📋
- Onlar: “Ey Rəbbimiz! Bizə gözümüzü aydınladan zövcə və nəsillər bəxş et və bizi müttəqilərə rəhbər et!” – deyərlər.
(Furqan surəsi, 74)📋
- Məhz bunlar yaxşı işlər görməyə tələsər və bunun üçün yarışarlar.
(Muminun surəsi, 61)📋
- Sonra Kitabı bəndələrimizin arasından seçdiklərimizə verdik. Onlardan özünə zülm edən də, orta yolu tutan da, Allahın izni ilə yaxşı işlərdə irəli keçən də vardı. Böyük fəzilət budur.
(Fatir surəsi, 32)📋
- (Yaxşı əməldə) öndə olanlar (mükafatda da) öndədirlər!
(Vaqiə surəsi, 10)📋
- Onlar Allaha yaxın kimsələrdir.
(Vaqiə surəsi, 11)📋
