Adiyat surəsi

Qovulmuş şeytandan Allaha sığınıram. Rəhman və Rəhim olan Allahın adı ilə.

• And olsun tövşüyə-tövşüyə qaçan atlara! (Adiyat surəsi, 1)
  
  
• And olsun (Nalları ilə daşlardan) qığılcım qoparan atlara! (Adiyat surəsi, 2)
  
  
• And olsun sübh çağı hücum edən atlara! (Adiyat surəsi, 3)
  
  
• And olsun toz qopardan atlara! (Adiyat surəsi, 4)
  
  
• And olsun qoşunun içinə girən atlara! (Adiyat surəsi, 5)
  
  
• Həqiqətən, insan Rəbbinə qarşı çox nankordur. (Adiyat surəsi, 6)
  
  
• Əlbəttə, o özü də buna şahiddir. (Adiyat surəsi, 7)
  
  
• Həqiqətən, o, var-dövləti çox sevir. (Adiyat surəsi, 8)
  
  
• O bilmirmi ki, ölü olanlar (təkrar dirildilib) çıxardılacağı zaman, (Adiyat surəsi, 9)
  
  
• Qəlbdə olanlar aşkar ediləcəyi zaman, (Adiyat surəsi, 10)
  
  
• O gün Rəbbi onlardan xəbərdardır! (Adiyat surəsi, 11)
  
  

Əsas Səhifə