AyeAxtar.com - Tur surəsi
Tur surəsi
Qovulmuş şeytandan Allaha sığınıram. Rəhman və Rəhim olan Allahın adı ilə.
-
And olsun dağa!
(Tur surəsi, 1)
📋
-
And olsun sətir-sətir yazılmış kitaba -
(Tur surəsi, 2)
📋
-
Sərilmiş incə dəriyə (yazılmış kitaba)!
(Tur surəsi, 3)
📋
-
And olsun Beyti-məmura!
(Tur surəsi, 4)
📋
-
And olsun yüksəldilmiş tavana (göyə)!
(Tur surəsi, 5)
📋
-
And olsun dolmuş (alovlanan) dənizə!
(Tur surəsi, 6)
📋
-
Rəbbinin əzabı mütləq gerçəkləşəcəkdir.
(Tur surəsi, 7)
📋
-
Onu dəf edə biləcək heç bir şey yoxdur.
(Tur surəsi, 8)
📋
-
O gün göy şiddətlə çalxalanacaqdır.
(Tur surəsi, 9)
📋
-
Dağlar hərəkət edəcəkdir.
(Tur surəsi, 10)
📋
-
O gün (haqqı) yalanlayanların vay halına!
(Tur surəsi, 11)
📋
-
O kəslər ki, bataqlıqda (batil içində) əylənirdilər.
(Tur surəsi, 12)
📋
-
O gün onlar zorla cəhənnəm oduna atılacaqlar.
(Tur surəsi, 13)
📋
-
(Onlara belə deyiləcək:) “Sizin yalan saydığınız cəhənnəm budur!
(Tur surəsi, 14)
📋
-
Bu sehrdir, yoxsa siz görmürsünüz?!
(Tur surəsi, 15)
📋
-
Girin ora! (Əzaba) dözsəniz də, dözməsəniz də sizin üçün birdir. Siz yalnız etdiklərinizə görə cəzalandırılırsınız”.
(Tur surəsi, 16)
📋
-
Şübhəsiz ki, müttəqilər cənnət bağlarında və nemətlər içində olacaqlar.
(Tur surəsi, 17)
📋
-
Rəbbinin onlara verdiyi nemətlərlə səfa sürəcəklər. Rəbbi onları cəhənnəm əzabından qorumuşdur.
(Tur surəsi, 18)
📋
-
(Onlara belə deyiləcək:) “Etdiyiniz (gözəl) əməllərə görə nuşcanlıqla yeyin, için!
(Tur surəsi, 19)
📋
-
Cərgə-cərgə düzülmüş taxtlara söykənərək!” Biz onları gözəl gözlü qadınlarla evləndirəcəyik.
(Tur surəsi, 20)
📋
-
Möminlərin özlərindən sonra iman edən nəsillərini də onların yanına (cənnətə) qoyacağıq. Onların əməllərindən heç bir şeyi əskiltməyəcəyik. Hər kəs qazandığının (öz əməlinin) girovudur.
(Tur surəsi, 21)
📋
-
Onlara arzuladıqları meyvə və ətdən bol-bol verəcəyik.
(Tur surəsi, 22)
📋
-
Onlar orada qədəh-qədəhə vuracaqlar. Orada (içki səbəbilə) nə boşboğazlıq, nə də günaha girmə vardır.
(Tur surəsi, 23)
📋
-
Qorunub saxlanılan inci kimi gənc (xidmətçi) oğlanlar onların ətrafında dolanacaqlar.
(Tur surəsi, 24)
📋
-
Onlar bir-birinə üz tutub hal-əhval tutacaqlar.
(Tur surəsi, 25)
📋
-
Belə deyəcəklər: “Biz daha əvvəl ailəmizin yanında (Allahın əzabından) qorxurduq.
(Tur surəsi, 26)
📋
-
Ancaq Allah bizə lütf etdi və bizi qızmar külək əzabından qorudu.
(Tur surəsi, 27)
📋
-
Şübhəsiz ki, biz daha əvvəl də Ona dua edirdik. Həqiqətən, Allah xeyirxahdır, mərhəmətlidir”.
(Tur surəsi, 28)
📋
-
Ona görə də sən öyüd-nəsihət ver! Rəbbinin neməti sayəsində sən nə kahinsən, nə də məcnun!
(Tur surəsi, 29)
📋
-
Yoxsa onlar: “O şairdir. Biz onun zəmanənin fəlakətlərinə düçar olmasını (ölməsini) gözləyirik”, - deyirlər?!
(Tur surəsi, 30)
📋
-
De ki: “Gözləyin! Mən də sizinlə birlikdə gözləyirəm”.
(Tur surəsi, 31)
📋
-
Yoxsa ağıllarımı bunu onlara əmr edir, yaxud onlar azğın bir qövmdür?!
(Tur surəsi, 32)
📋
-
Yoxsa onlar: “Onu (Quranı) özü uydurmuşdur!” - deyirlər?! Xeyr! Onlar inanmırlar.
(Tur surəsi, 33)
📋
-
Əgər doğru deyirlərsə, onda Qurana bənzər bir söz gətirsinlər.
(Tur surəsi, 34)
📋
-
Yoxsa onlar heç bir yaradan olmadan yarandılar, yaxud özləri yaradandırlar?!
(Tur surəsi, 35)
📋
-
Yoxsa göyləri və yeri onlarmı yaratdılar?! Xeyr! onlar yəqinliklə inanmırlar.
(Tur surəsi, 36)
📋
-
Yoxsa Rəbbinin xəzinələri onların yanındadır, yaxud hökmranlıq edən onlardır?!
(Tur surəsi, 37)
📋
-
Yoxsa onların üstünə çıxıb (qeybi) dinlədikləri nərdivanlarımı var?! Elə isə onların dinləyəni açıq-aydın bir dəlil gətirsin.
(Tur surəsi, 38)
📋
-
Yoxsa qızlar Onun (Allahın), oğlanlar sizindirmi?!
(Tur surəsi, 39)
📋
-
Yoxsa sən onlardan bir ücrət tələb edirsən və buna görə onlar ağır bir yük (borc) altında qalıblar?!
(Tur surəsi, 40)
📋
-
Yoxsa qeyb xəbərləri onların yanında olub bunu onlarmı yazırlar?!
(Tur surəsi, 41)
📋
-
Yoxsa onlar bir tələ qurmaq istəyirlər?! Tələyə düşəcək olanlar məhz inkar edənlərdir.
(Tur surəsi, 42)
📋
-
Yoxsa onların Allahdan başqa bir ilahımı var?! Allah onların qoşduqları şəriklərdən uzaqdır!
(Tur surəsi, 43)
📋
-
Əgər göydən düşən bir parça (əzab) görsələr: “Bulud topasıdır”, - deyərlər.
(Tur surəsi, 44)
📋
-
Ona görə də sarsılacaqları günlərinə qovuşana qədər onları (öz hallarına) tərk et!
(Tur surəsi, 45)
📋
-
Onların hiylələri o gün onlara heç bir fayda verməyəcək və onlara heç bir yardım olunmayacaqdır.
(Tur surəsi, 46)
📋
-
Şübhəsiz ki, zalımlar üçün ondan başqa bir əzab da vardır. Lakin onların çoxu bunu bilmir.
(Tur surəsi, 47)
📋
-
Elə isə sən Rəbbinin hökmü gələnə qədər səbirli ol! Şübhəsiz ki, sən Bizim gözümüzün önündəsən (nəzarətimizdəsən). Ayağa (namaza) durduğun zaman Rəbbini həmd ilə təsbeh et!
(Tur surəsi, 48)
📋
-
Gecənin bir vaxtında və ulduzlar batandan sonra da Onu təsbeh et!
(Tur surəsi, 49)
📋
