Qiyamət surəsi

Qovulmuş şeytandan Allaha sığınıram. Rəhman və Rəhim olan Allahın adı ilə.

• And içirəm qiyamət gününə! (Qiyamət surəsi, 1)
  
  
• And içirəm özünü qınayan nəfsə! (Qiyamət surəsi, 2)
  
  
• İnsan elə zənn edir ki, Biz onun sümüklərini bir yerə yığa bilməyəcəyik? (Qiyamət surəsi, 3)
  
  
• Bəli, Biz onun barmaq uclarını belə əvvəlki hala gətirməyə qadirik. (Qiyamət surəsi, 4)
  
  
• Ancaq insan önündəkini (qiyaməti) yalanlamaq istəyir. (Qiyamət surəsi, 5)
  
  
• O (istehza edərək): “Qiyamət günü nə zaman olacaq?” - deyə soruşur. (Qiyamət surəsi, 6)
  
  
• Göz bərəldiyi zaman, (Qiyamət surəsi, 7)
  
  
• Ay tutulduğu zaman, (Qiyamət surəsi, 8)
  
  
• Günəş və ay bir yerə gətirildiyi zaman, (Qiyamət surəsi, 9)
  
  
• O gün insan: “Hara qaçmaq olar?” - deyəcəkdir. (Qiyamət surəsi, 10)
  
  
• Xeyr! Heç bir sığınacaq yer olmayacaqdır. (Qiyamət surəsi, 11)
  
  
• O gün gediləcək yer yalnız Rəbbinin hüzurudur. (Qiyamət surəsi, 12)
  
  
• O gün insana etdiyi və təxirə saldığı hər şey xəbər veriləcəkdir. (Qiyamət surəsi, 13)
  
  
• İnsan öz nəfsinə qarşı bəsirətdir. (Qiyamət surəsi, 14)
  
  
• Üzrxahlıq etsə belə (bu ondan qəbul olunmayacaqdır)! (Qiyamət surəsi, 15)
  
  
• (Ey elçi! Cəbrail sənə vəhy gətirdiyi zaman) onu tələm-tələsik oxumaq üçün dilini tərpətmə! (Qiyamət surəsi, 16)
  
  
• Şübhəsiz ki, onu (sənin yaddaşında) cəm etmək və oxutmaq Bizə aiddir. (Qiyamət surəsi, 17)
  
  
• Ona görə də Biz onu oxuduğumuz zaman sən onun oxunuşunu izlə! (Qiyamət surəsi, 18)
  
  
• Sonra şübhəsiz ki, onu bəyan etmək də Bizə aiddir. (Qiyamət surəsi, 19)
  
  
• Xeyr! Əksinə, siz tez keçib-gedəni (dünyanı) sevirsiniz. (Qiyamət surəsi, 20)
  
  
• Axirəti isə ehmal edirsiniz. (Qiyamət surəsi, 21)
  
  
• Elə üzlər var ki, o gün parıldayacaq, (Qiyamət surəsi, 22)
  
  
• Rəbbinə baxacaqdır. (Qiyamət surəsi, 23)
  
  
• Elə üzlər də var ki, o gün qaralacaq, (Qiyamət surəsi, 24)
  
  
• Ona belini qıran bir əzab veriləcəyini anlayacaqdır. (Qiyamət surəsi, 25)
  
  
• Xeyr! Can boğaza çatdığı zaman, (Qiyamət surəsi, 26)
  
  
• “Son müdaxiləni kim edəcək?” - deyiləcəkdir. (Qiyamət surəsi, 27)
  
  
• (Can verən isə) bunun ayrılıq olduğunu anlayacaqdır. (Qiyamət surəsi, 28)
  
  
• Və (ölüm qorxusundan) ayaqları bir-birinə dolaşar. (Qiyamət surəsi, 29)
  
  
• O gün onun aparılacağı yer Rəbbinin hüzurudur. (Qiyamət surəsi, 30)
  
  
• O nə sədəqə vermiş, nə də namaz qılmışdı. (Qiyamət surəsi, 31)
  
  
• Lakin haqqı yalanlamış və üz döndərmişdi. (Qiyamət surəsi, 32)
  
  
• Sonra lovğalanaraq ailəsinin yanına getmişdi. (Qiyamət surəsi, 33)
  
  
• Sən buna (bu əzaba) layiqsən! (Qiyamət surəsi, 34)
  
  
• Yenə də sən buna (bu əzaba) layiqsən! (Qiyamət surəsi, 35)
  
  
• İnsan özbaşına buraxılacağınımı zənn edir?! (Qiyamət surəsi, 36)
  
  
• O, (ana rəhminə) atılan bir nütfə deyildimi?! (Qiyamət surəsi, 37)
  
  
• Sonra o ələqə (rüşeym) oldu və Allah onu yaradıb surət verdi. (Qiyamət surəsi, 38)
  
  
• Beləcə, ondan bir cüt - kişi və qadını yaratdı. (Qiyamət surəsi, 39)
  
  
• Elə isə Allah ölüləri təkrar diriltməyə qadir deyilmi?! (Qiyamət surəsi, 40)
  
  

Əsas Səhifə