Nəbə surəsi — Quran ayələri | AyeAxtar.com
Nəbə surəsi
Qovulmuş şeytandan Allaha sığınıram. Rəhman və Rəhim olan Allahın adı ilə.
Onlar bir-birindən nə haqqında soruşurlar?
(Nəbə surəsi, 1)
📋
Böyük xəbər (qiyamət) haqqında!
(Nəbə surəsi, 2)
📋
(O xəbər ki,) onun barəsində ixtilafdadırlar.
(Nəbə surəsi, 3)
📋
Xeyr! Onlar tezliklə biləcəklər.
(Nəbə surəsi, 4)
📋
Xeyr! Xeyr! Onlar tezliklə biləcəklər.
(Nəbə surəsi, 5)
📋
Biz yer üzünü döşəmədikmi?!
(Nəbə surəsi, 6)
📋
Dağları da dirəklər etmədikmi?!
(Nəbə surəsi, 7)
📋
Sizi (kişi və qadın olmaqla) cüt yaratdıq.
(Nəbə surəsi, 8)
📋
Yuxunuzu istirahət vasitəsi etdik.
(Nəbə surəsi, 9)
📋
Gecəni (sizin üçün) örtük etdik.
(Nəbə surəsi, 10)
📋
Gündüzü də (sizin üçün) çalışıb ruzi qazanma vaxtı etdik.
(Nəbə surəsi, 11)
📋
Üstünüzdə yeddi möhkəm göy inşa etdik.
(Nəbə surəsi, 12)
📋
Və (orada) çox parlaq bir qəndil (günəş) yaratdıq.
(Nəbə surəsi, 13)
📋
Topa buludlardan şırıl-şırıl tökülən su endirdik ki,
(Nəbə surəsi, 14)
📋
Onunla (torpaqdan) toxum və bitki çıxardaq,
(Nəbə surəsi, 15)
📋
Və (ağacları) bir-birinə sarmaşan bağlar (yaradaq).
(Nəbə surəsi, 16)
📋
Şübhəsiz ki, (haqq ilə batili) ayırd etmə gününün vaxtı təyin edilmişdir.
(Nəbə surəsi, 17)
📋
Sura üfürüləcəyi gün siz dəstə-dəstə (Allahın hüzuruna) gələcəksiniz.
(Nəbə surəsi, 18)
📋
Göydə bir çox qapılar açılacaqdır.
(Nəbə surəsi, 19)
📋
Dağlar hərəkətə gətiriləcək və ilğım kimi olacaqdır.
(Nəbə surəsi, 20)
📋
Şübhəsiz ki, cəhənnəm pusqudadır.
(Nəbə surəsi, 21)
📋
O, azğınların gedəcəyi yerdir.
(Nəbə surəsi, 22)
📋
Onlar əsrlər boyu orada qalacaqlar.
(Nəbə surəsi, 23)
📋
Orada nə bir sərinlik tapacaq, nə də bir içki dadacaqlar.
(Nəbə surəsi, 24)
📋
Yalnız qaynar su və irin dadacaqlar.
(Nəbə surəsi, 25)
📋
(Etdikləri əməllərə) uyğun bir cəza olaraq!
(Nəbə surəsi, 26)
📋
Həqiqətən, onlar haqq-hesab olacağını gözləmirdilər.
(Nəbə surəsi, 27)
📋
Ayələrimizi tamamilə yalanladılar.
(Nəbə surəsi, 28)
📋
Biz hər şeyi (lövhi-məhfuzda) bir-bir yazmışıq.
(Nəbə surəsi, 29)
📋
Ona görə də dadın (əzabı)! Biz sizin yalnız əzabınızı artıracağıq.
(Nəbə surəsi, 30)
📋
Şübhəsiz, müttəqilər üçün qazandıqları uğurun mükafatı vardır;
(Nəbə surəsi, 31)
📋
Bağlar, üzümlüklər,
(Nəbə surəsi, 32)
📋
Sinələri tumurcuqlanmış həmyaşıd qızlar,
(Nəbə surəsi, 33)
📋
(İçki ilə) dolu qədəhlər!
(Nəbə surəsi, 34)
📋
Orada nə boş söz, nə də yalan eşidəcəklər.
(Nəbə surəsi, 35)
📋
Rəbbindən bir mükafat və artıqlaması ilə verilən bəxşiş olaraq!
(Nəbə surəsi, 36)
📋
(Bunlar) göylərin, yerin və onların arasındakıların mərhəmətli Rəbbi tərəfindəndir. Onlar Onun hüzurunda (izni olmadan) danışa bilməzlər.
(Nəbə surəsi, 37)
📋
Ruh və mələklərin səf-səf duracaqları gün yalnız Rəhman olan Allahın izin verdiyi kimsə danışa biləcək, o da həqiqəti söyləyəcəkdir.
(Nəbə surəsi, 38)
📋
O, haqq olan gündür. Elə isə istəyən Rəbbinə gedən bir yol tutar.
(Nəbə surəsi, 39)
📋
Həqiqətən, Biz sizi yaxın bir əzabla xəbərdar etdik. O gün insan (dünyada ikən) etdiyi əməllərinə baxacaqdır. İnkar edən isə: “Kaş mən torpaq olaydım!” - deyəcəkdir.
(Nəbə surəsi, 40)
📋
