AyeAxtar.com - Büruc surəsi
Büruc surəsi
Qovulmuş şeytandan Allaha sığınıram. Rəhman və Rəhim olan Allahın adı ilə.
-
And olsun içində bürclər olan göyə!
(Büruc surəsi, 1)
📋
-
And olsun vəd olunan günə!
(Büruc surəsi, 2)
📋
-
And olsun şahidlik edənə və şahidlik edilənə!
(Büruc surəsi, 3)
📋
-
Xəndək əhli öldürüldü.
(Büruc surəsi, 4)
📋
-
(O xəndək ki,) yanacaqla alovlandırılmışdı.
(Büruc surəsi, 5)
📋
-
O zaman onlar xəndəyin ətrafında oturub,
(Büruc surəsi, 6)
📋
-
Möminlərə etdiklərini seyr edirdilər.
(Büruc surəsi, 7)
📋
-
Onlardan yalnız qüdrətli və hər cür tərifə layiq olan Allaha iman etdikləri üçün intiqam alırdılar.
(Büruc surəsi, 8)
📋
-
O Allah ki, göylərin və yerin hökmranlığı Ona məxsusdur. Allah hər şeyə şahiddir.
(Büruc surəsi, 9)
📋
-
Şübhəsiz, mömin kişi və qadınlara işgəncə verib sonra da tövbə etməyənlər üçün cəhənnəm və onun yandırıb-yaxan əzabı vardır.
(Büruc surəsi, 10)
📋
-
İman edib yaxşı əməllər edənlər üçün isə (ağacları) altından çaylar axan cənnətlər vardır. Böyük uğur budur!
(Büruc surəsi, 11)
📋
-
Həqiqətən, Rəbbinin (inkar edənləri) yaxalaması çox şiddətlidir.
(Büruc surəsi, 12)
📋
-
Əlbəttə, yoxdan var edən də, (ölümdən sonra təkrar həyata) qaytaran da Odur.
(Büruc surəsi, 13)
📋
-
O, çox bağışlayandır, çox sevəndir.
(Büruc surəsi, 14)
📋
-
Ərşin sahibidir, şanı ucadır.
(Büruc surəsi, 15)
📋
-
İstədiyini edəndir.
(Büruc surəsi, 16)
📋
-
(Ey elçi!) Ordular barəsindəki xəbərlər sənə gəlib çatdımı?
(Büruc surəsi, 17)
📋
-
Firon və Səmudun orduları!
(Büruc surəsi, 18)
📋
-
Xeyr! İnkar edənlər hələ də təkzib edirlər.
(Büruc surəsi, 19)
📋
-
Allah isə onları hər tərəfdən əhatə etmişdir.
(Büruc surəsi, 20)
📋
-
Xeyr! O, uca bir Qurandır!
(Büruc surəsi, 21)
📋
-
Qorunan lövhədədir (lövhi-məhfuzdadır).
(Büruc surəsi, 22)
📋
