Ğaşiyə surəsi — Quran ayələri | AyeAxtar.com
Ğaşiyə surəsi
Qovulmuş şeytandan Allaha sığınıram. Rəhman və Rəhim olan Allahın adı ilə.
-
(Ey elçi!) Hər tərəfi bürüyənin (qiyamətin) xəbəri sənə gəlib çatdımı?!
(Ğaşiyə surəsi, 1)
📋
-
O gün elə üzlər vardır ki, zəlil bir halda olacaqlar.
(Ğaşiyə surəsi, 2)
📋
-
Onlar (xilas olmaq üçün) çırpınacaqlar, (ancaq boş yerə) yorulacaqlar.
(Ğaşiyə surəsi, 3)
📋
-
Onlar qızmar oda girəcəklər.
(Ğaşiyə surəsi, 4)
📋
-
Onlara qaynar su bulağından içirdiləcəkdir.
(Ğaşiyə surəsi, 5)
📋
-
Onların quru tikandan başqa yeməkləri olmayacaqdır.
(Ğaşiyə surəsi, 6)
📋
-
(O yemək onları) nə doydurar, nə də aclıqdan xilas edər.
(Ğaşiyə surəsi, 7)
📋
-
O gün elə üzlər də vardır ki, sevinclidirlər.
(Ğaşiyə surəsi, 8)
📋
-
Onlar (dünyada) etdiklərindən razıdırlar.
(Ğaşiyə surəsi, 9)
📋
-
Uca cənətdədirlər.
(Ğaşiyə surəsi, 10)
📋
-
Orada boş söz eşitməzlər.
(Ğaşiyə surəsi, 11)
📋
-
Orada axar çeşmələr vardır.
(Ğaşiyə surəsi, 12)
📋
-
Orada hündür taxtlar,
(Ğaşiyə surəsi, 13)
📋
-
(Çeşmə başlarına) qoyulmuş qədəhlər,
(Ğaşiyə surəsi, 14)
📋
-
Yan-yana düzülmüş yastıqlar,
(Ğaşiyə surəsi, 15)
📋
-
Sərilmiş xalılar vardır.
(Ğaşiyə surəsi, 16)
📋
-
Məgər onlar dəvənin necə yaradıldığına baxmırlarmı?!
(Ğaşiyə surəsi, 17)
📋
-
Göyün necə yüksəldildiyinə,
(Ğaşiyə surəsi, 18)
📋
-
Dağların necə yerləşdirildiyinə,
(Ğaşiyə surəsi, 19)
📋
-
Yer üzünün necə döşəndiyinə (baxmırlarmı)?!
(Ğaşiyə surəsi, 20)
📋
-
(Ey elçi!) Sən öyüd-nəsihət ver! Sən yalnız öyüd-nəsihət verənsən.
(Ğaşiyə surəsi, 21)
📋
-
Sən onları məcbur edən deyilsən.
(Ğaşiyə surəsi, 22)
📋
-
Ancaq kim üz döndərər və haqqı inkar edərsə,
(Ğaşiyə surəsi, 23)
📋
-
Allah onu ən böyük əzabla cəzalandıracaqdır.
(Ğaşiyə surəsi, 24)
📋
-
Şübhəsiz ki, onların dönüşü Bizədir.
(Ğaşiyə surəsi, 25)
📋
-
Sonra onları sorğu-suala çəkmək də Bizə məxsusdur.
(Ğaşiyə surəsi, 26)
📋
