AyeAxtar.com - Bələd surəsi
Bələd surəsi
Qovulmuş şeytandan Allaha sığınıram. Rəhman və Rəhim olan Allahın adı ilə.
-
And içirəm bu şəhərə (Məkkəyə)!
(Bələd surəsi, 1)
📋
-
Sən də bu şəhərdə yaşayırsan.
(Bələd surəsi, 2)
📋
-
And olsun ataya və ondan dünyaya gələnə!
(Bələd surəsi, 3)
📋
-
Biz insanı çətinliklər içində yaratdıq.
(Bələd surəsi, 4)
📋
-
O, heç kəsin ona gücü çatmayacağınımı zənn edir?
(Bələd surəsi, 5)
📋
-
O: “Mən çoxlu mal-mülk sərf etmişəm!” - deyir.
(Bələd surəsi, 6)
📋
-
O, heç kimin onu görmədiyinimi zənn edir?!
(Bələd surəsi, 7)
📋
-
Biz ona iki göz vermədikmi?!
(Bələd surəsi, 8)
📋
-
Habelə, bir dil və iki dodaq (vermədikmi)?!
(Bələd surəsi, 9)
📋
-
Biz ona iki yol (yaxşı və pis yol) göstərdik.
(Bələd surəsi, 10)
📋
-
Ancaq o, əqəbəni (maneələri) keçə bilmədi.
(Bələd surəsi, 11)
📋
-
Sən haradan biləsən ki, əqəbə nədir?!
(Bələd surəsi, 12)
📋
-
O, kölə azad etməkdir,
(Bələd surəsi, 13)
📋
-
Yaxud aclıq günündə yemək yedirməkdir,
(Bələd surəsi, 14)
📋
-
Qohumluğu çatan bir yetimə,
(Bələd surəsi, 15)
📋
-
Yaxud heç bir şeyi olmayan yoxsula.
(Bələd surəsi, 16)
📋
-
Sonra da iman edən, bir-birinə səbir etməyi tövsiyə edən və mərhəmətli olmağı tövsiyə edənlərdən olmaqdır.
(Bələd surəsi, 17)
📋
-
Onlar sağ tərəfdəkilərdir.
(Bələd surəsi, 18)
📋
-
Ayələrimizi inkar edənlər isə sol tərəfdəkilərdir.
(Bələd surəsi, 19)
📋
-
Od onları hər tərəfdən bürüyəcəkdir.
(Bələd surəsi, 20)
📋
