Allah Özünə övlad götürmüşdür demələri MÖVZUSU İLƏ ƏLAQƏLİ AYƏLƏR
"Allah Özünə övlad götürmüşdür demələri" MÖVZUSU İLƏ ƏLAQƏLİ AYƏLƏR
Qovulmuş şeytandan Allaha sığınıram. Rəhman və Rəhim olan Allahın adı ilə.
- Ən böyük Həcc (Həcci-əkbər) günü Allah və elçisindən insanlara bildiriş! Şübhəsiz, Allah və elçisi müşriklərdən uzaqdır. Əgər tövbə etsəniz, bu sizin üçün daha xeyirli olar. Əgər (iman etməkdən) üz döndərsəniz, bilin ki, siz Allahı aciz qoya bilməzsiniz. İnkar edənləri acı bir əzabla müjdələ!
(Tövbə surəsi, 3)📋
- Övlad götürmək Allaha yaraşmaz. O, pak və müqəddəsdir! O, bir şeyin olmasını istədiyi zaman ona yalnız: “Ol!” - deyər, o da dərhal olar.
(Məryəm surəsi, 35)📋
- Onlar: “Allah Özünə övlad götürmüşdür”, - dedilər. O, pakdır (bu kimi sifətlərdən uzaqdır). Göylərdə və yerdə nə varsa, hamısı Onundur. Hər bir şey Ona itaət edir.
(Bəqərə surəsi, 116)📋
- Onlar: “Rəhman (olan Allah) özünə övlad götürmüşdür!” - dedilər.
(Məryəm surəsi, 88)📋
- Siz, həqiqətən, çox pis bir iş gördünüz.
(Məryəm surəsi, 89)📋
- O (mələk) dedi: “Belədir. Ancaq Rəbbin: “Bu Mənim üçün asandır. Daha əvvəl səni də heç bir şey deyilkən (yoxdan) yaratdım!” - dedi”.
(Məryəm surəsi, 9)📋
- Rəhmana övlad isnad etdiklərinə görə!
(Məryəm surəsi, 91)📋
- Halbuki övlad götürmək Rəhmana yaraşmaz.
(Məryəm surəsi, 92)📋
- Göylərdə və yerdə olanlar hamılıqla bir bəndə kimi Rəhmanın hüzuruna gələcəklər.
(Məryəm surəsi, 93)📋
