Qiyamət gününün nə zaman olacağını yalnız Allah bilir MÖVZUSU İLƏ ƏLAQƏLİ AYƏLƏR
"Qiyamət gününün nə zaman olacağını yalnız Allah bilir" MÖVZUSU İLƏ ƏLAQƏLİ AYƏLƏR
Qovulmuş şeytandan Allaha sığınıram. Rəhman və Rəhim olan Allahın adı ilə.
- Onlar: “Əgər doğru söyləyirsənsə, bu vəd (qiyamət) nə vaxt olacaq?” - deyirlər.
(Səba surəsi, 29)📋
- De ki: “Sizə vəd olunmuş elə bir gün vardır ki, ondan nə bir an geri qala bilər, nə də irəli keçə bilərsiniz”.
(Səba surəsi, 30)📋
- Yaxınlaşan (qiyamət) yaxınlaşmışdır.
(Nəcm surəsi, 57)📋
- Allahdan başqa heç kəs onu aradan qaldıra bilməz!
(Nəcm surəsi, 58)📋
- Onlar: “Əgər doğru deyirsinizsə, bu vəd (əzab) nə zaman (gerçəkləşəcək)?” - deyirlər.
(Mülk surəsi, 25)📋
- De ki: “Onu yalnız Allah bilir. Mən ancaq açıq-aşkar xəbərdar edənəm”.
(Mülk surəsi, 26)📋
- Səndən: “O nə zaman qopacaqdır?” – deyə qiyamət haqqında soruşurlar.
(Naziat surəsi, 42)📋
- Sən onu haradan biləcəksən?!
(Naziat surəsi, 43)📋
- Onu yalnız Rəbbin bilir.
(Naziat surəsi, 44)📋
- İnsanlar səndən qiyamətin vaxtı haqqında soruşurlar. De ki: “Onun məlumatı yalnız Allah yanındadır!” Nə bilirsən, bəlkə də, qiyamət yaxın bir zamanda baş verəcək.
(Əhzab surəsi, 63)📋
- Göylərin, yerin və onların arasındakıların hökmranı olan Allah çox ucadır! Qiyamət vaxtını da O bilir. Siz Ona qaytarılacaqsınız.
(Zuxruf surəsi, 85)📋
- Səndən qiyamətin nə zaman qopacağını soruşurlar. De: “Onun bilgisi yalnız Rəbbimə məxsusdur. Vaxtı çatanda onu ortaya çıxaracaq yalnız Odur. Qiyamətin bilgisi göylərə də, yerə də ağır gəlmişdir. O sizə qəflətən gələcəkdir”. Sanki sən onun haqqında bir şey bilirsənmiş kimi səndən soruşurlar. De: “Onun bilgisi yalnız Allaha məxsusdur. Lakin insanların çoxu bilmir”.
(Əraf surəsi, 187)📋
- Həqiqətən, qiyamət haqqındakı məlumat Allah yanındadır. Yağışı O yağdırır. Bətnlərdə olanı da O bilir. Heç kim sabah nə qazanacağını bilə bilməz. Heç kim harada öləcəyini də bilə bilməz. Şübhəsiz ki, Allah hər şeyi biləndir, hər şeydən xəbərdardır.
(Loğman surəsi, 34)📋
- Şübhəsiz ki, (haqq ilə batili) ayırd etmə gününün vaxtı təyin edilmişdir.
(Nəbə surəsi, 17)📋
- Göylərin və yerin qeybini yalnız Allah bilir. Qiyamət ancaq bir göz qırpımında, yaxud daha az bir vaxtda qopacaqdır. Şübhəsiz ki, Allah hər şeyə qadirdir.
(Nəhl surəsi, 77)📋
