İman edənləri özlərindən aşağı görənlər MÖVZUSU İLƏ ƏLAQƏLİ AYƏLƏR
"İman edənləri özlərindən aşağı görənlər" MÖVZUSU İLƏ ƏLAQƏLİ AYƏLƏR
Qovulmuş şeytandan Allaha sığınıram. Rəhman və Rəhim olan Allahın adı ilə.
- Qövmünün inkar edən başçıları belə demişdilər: “Həqiqətən, biz səni səfeh görür və yalançılardan hesab edirik!”
(Əraf surəsi, 66)📋
- Onlara: “İnsanlar iman etdiyi kimi siz də iman edin!” - deyildiyi zaman: “Biz də səfehlər kimi iman edək?” - dedilər. Bilin ki, səfehlər onların özləridir. Lakin bunu bilmirlər.
(Bəqərə surəsi, 13)📋
- Onlar: “Ən səfil insanlar sənə tabe olmuşkən, heç sənə iman edərikmi?” - dedilər.
(Şuəra surəsi, 111)📋
- Yoxsa mən sözünü açıq-aydın deyə bilməyən bu aciz adamdan daha xeyirli deyiləmmi?!
(Zuxruf surəsi, 52)📋
- Onlar: “Əgər biz Mədinəyə qayıtsaq, üstün olanlar zəif olanları mütləq oradan çıxardacaqdır”, - deyirlər. Halbuki əsil üstünlük Allaha, Onun elçisinə və möminlərə məxsusdur. Lakin münafiqlər bunu bilməzlər.
(Münafiqun surəsi, 8)📋
- Qövmünün inkar edən başçıları isə belə dedilər: “Biz sənin də bizim kimi adi bir insan olduğunu və yalnız aramızdakı avam olan səfillərin sənə tabe olduğunu görürük. Bizdən üstün bir cəhətinizi də görmürük. Əksinə, biz sizi yalançı hesab edirik”.
(Hud surəsi, 27)📋
- İnkar edənlər iman edənlər barəsində: “Əgər o (İslam dini) yaxşı bir şey olsaydı, onlar bu məsələdə bizdən önə keçə bilməzdilər”, - deyirlər. Ancaq onlar bununla doğru yola gəlmək istəmədikləri üçün: “Bu, keçmişdən qalan bir yalandır!” - deyəcəklər.
(Əhqaf surəsi, 11)📋
- Həqiqətən, günahkarlar iman edənlərə gülürdülər.
(Mutaffifin surəsi, 29)📋
- Onların yanından keçdikləri zaman bir-birinə qaş-göz edirdilər.
(Mutaffifin surəsi, 30)📋
