"Xoşbəxtlik və hüzur dolu bir həyat vardır" MÖVZUSU İLƏ ƏLAQƏLİ AYƏLƏR

Qovulmuş şeytandan Allaha sığınıram. Rəhman və Rəhim olan Allahın adı ilə.

Onların üzündə nemətlərin sevincini görərsən. (Mutaffifin surəsi, 24)
Və sevinərək ailəsinin yanına qayıdacaqdır. (İnşiqaq surəsi, 9)
Buna görə də Allah onları o günün şərindən qoruyacaq, onlara gözəllik və sevinc bəxş edəcəkdir. (İnsan surəsi, 11)
Elə üzlər var ki, o gün parıldayacaq, (Qiyamət surəsi, 22)
Rəbbinə baxacaqdır. (Qiyamət surəsi, 23)
İman edib yaxşı işlər görənlər cənnətdə sevinc içində olacaqlar. (Rum surəsi, 15)
O gün elə üzlər də vardır ki, sevinclidirlər. (Ğaşiyə surəsi, 8)
Onlar (dünyada) etdiklərindən razıdırlar. (Ğaşiyə surəsi, 9)
Ancaq tövbə edib iman edən və yaxşı işlər görənlər istisnadır. Onlar cənnətə girəcəklər və heç bir haqsızlığa məruz qalmayacaqlar. (Məryəm surəsi, 60)
Həqiqətən, Allah onları razı qalacaqları bir yerə daxil edəcəkdir. Şübhəsiz ki, Allah hər şeyi biləndir, həlimdir. (Həcc surəsi, 59)
Buna görə də o, razı qalacağı bir həyat içində, (Haqqə surəsi, 21)

Əsas Səhifə