"Qaynar su, qan və irinli su içəcəkdirlər" MÖVZUSU İLƏ ƏLAQƏLİ AYƏLƏR
Qovulmuş şeytandan Allaha sığınıram. Rəhman və Rəhim olan Allahın adı ilə.
Onun üstündən də qaynar su içəcəksiniz.
(Vaqiə surəsi, 54)
Həm də susamış dəvələrin içdiyi kimi içəcəksiniz.
(Vaqiə surəsi, 55)
Dinlərini oyun-əyləncəyə çevirən və dünya həyatının aldatdığı kimsələri boşla getsin! Qazandıqlarına görə heç kimin fəlakətə düçar olmaması üçün onunla (Quranla) nəsihət ver! Onların Allahdan başqa heç bir dostu və şəfaətçisi yoxdur. Hər şeyi fidyə olaraq versə belə, yenə bu onlardan qəbul olunmaz. Onlar qazandıqlarına görə fəlakətə düçar olan kimsələrdir. İnkar etmələri səbəbilə onlar üçün qaynar sudan ibarət içki və şiddətli bir əzab vardır.
(Ənam surəsi, 70)
Onlara qaynar su bulağından içirdiləcəkdir.
(Ğaşiyə surəsi, 5)
Bunun ardınca da cəhənnəm vardır. (Orada) ona irinli sudan içirdilər.
(İbrahim surəsi, 16)
Onu qurtum-qurtum içər, ancaq uda bilməz. Ona hər tərəfdən ölüm gələr, ancaq o ölməz. Bunun ardınca da şiddətli bir əzab vardır.
(İbrahim surəsi, 17)
Orada nə bir sərinlik tapacaq, nə də bir içki dadacaqlar.
(Nəbə surəsi, 24)
Yalnız qaynar su və irin dadacaqlar.
(Nəbə surəsi, 25)
Sonra onun üstündən onlar üçün qaynar su qarışdırılmış bir içki vardır.
(Saffat surəsi, 67)
Allahın haqq vədi olaraq hamınızın dönüşü Onadır! Həqiqətən, O, məxluqatı yoxdan yaradır, sonra isə iman edib yaxşı işlər görənləri ədalətli bir şəkildə mükafatlandırmaq üçün onu (dirildərək) geri qaytarır. İnkar edənlərə gəldikdə, inkar etdiklərinə görə onlar üçün qaynar sudan bir içki və acı bir əzab vardır.
(Yunis surəsi, 4)
Orada irindən başqa heç bir yemək yoxdur.
(Haqqə surəsi, 36)
Budur, qaynar su və irin! Qoy onu dadsınlar!
(Sad surəsi, 57)
Əsas Səhifə